من مواطن إلي وزير الداخلية … رجال الشرطة بـ ” سمالوط ” هدمت أرضي المزروعة بحجة القبض علي مجرمين

  • تاريخ النشر :
  • عدد المشاهدات : 709 4 5
من مواطن إلي وزير الداخلية ... رجال الشرطة بـ " سمالوط " هدمت أرضي المزروعة بحجة القبض علي مجرمين

 

 

في رسالة جاءت إلي موقع ” الناس والشرطة ” من المواطن ” أحمد دردير شادي ” من محافظة المنيا . مركز سمالوط .. قرية نزلة شادي  بنداء لوزير الداخلية تفيد بأن رجال الشرطة قاموا بهدم قطعة الأرض المزروعة التابعة لهم بحجة القبض على مجرمين وكان نص الرسالة :

الحكاية كلها ان البلد دي كلها عائلات ف بعضها اكبر عائلة فيها هيا عائلة شادي و دي بتتكون من اكتر من فرع .. و فيه عائلات تانية كتير .. طبعا البلد دي زيها زي بلاد تانية كتير اوي ف الصعيد فيها سلسال دم و تار من سنة 84 الي الان مازال مستمر
و لما جت الثورة طبعا و السلاح زاد ف الصعيد اشتدت حمية الصراع بين عائلة شادي و عائلة الازهري و هما دول اللي بينهم التار من زمان و اصبح دا يقتل من دا و دا يقتل من دا و الشرطة تيجي تلم الجثث و شكرا و يتفتح تحقيق و سين و جيم دا لو المتهم مسلمش نفسه في الاونة الاخيرة عائلة الازهري اتقتل منها فردين راجل و ابنه و التحقيقات شغالة لحد دلوقتي عشان يعرفوا مين الجناة بس طبعا ف اتهامات و شكوك … المهم الشرطة جت البلد بقالها يومين بحملة كبيرة و حاوطتها من كل ناحية عشان عاوزة اشخاص معينة من عائلة شادي و عائلة الازهري لاتهامهم ف بعض قضايا القتل فيه قطعة ارض حاصلة علي براءة وواخدة حكم محكمة ملك لاحد ابناء عائلة شادي و لكن هذا الطرف من العائلة ليس له سوابق او عليه تار و انما هو من العائلة فقط .. و لما جت الحملة من الشرطة هدموا قطعة الارض اللي واخدة براءة دي و كانت مبنية بدون ما يسألوا هل حاصلة علي براءة او ملك مين حتي !!

و دا بححة انهم شاكين ان ممكن المتهمين يكونوا مستخبيين جواها مع العلم ان قطعة الارض دي داخل البلد يعني حتي لو جواها و عرفوا ان الشرطة جت هيهربوا عالاقل المهم ان الارض دي ملك لكل من السيد / حسين ابراهيم حسن شادي السيد / حسن ابراهيم حسن شادي السيد / عبد الحكيم ابراهيم حسن شادي السيد / دردير ابراهيم حسن شادي السيد / محمد ابراهيم حسن شادي و كلهم اخوات و مشهورين ف البلد بالسمعة الحسنة اسوة بأبيهم اللي كان شيخ البلد ف يوم من الايام و كانت الناس بتحترمه جدا و بتعمله الف حساب المناشدة دي للسيد رئيس الجمهورية القائد الاعلي للقوات المسلحة رئيس الحكومة وزير الداخلية محافظ المنيا

 

 

 

 

 

أقرأ أيضا 

 

ننشر حركة تنقلات الضباط بالإدارات ورؤساء المباحث بمديريات أمن ” الشرقية ، كفر الشيخ ،سوهاج ، الإسماعيلية “

 

 

تعليقات الفيسبوك







للإعلان

د. أحمد محمد جنيدي

بكالوريس الطب والجراحة مع مرتبة الشرف

دراسات عليا ماجستير البطن والقلب جامعة الاسكندرية

العيادة : دسوق شارع المركز أمام صيدلية الحكمة

العيادة معدة بأحدث الأجهزة للفحص

تليفون العيادة : 01021841904

تليفون منزل : 0472568774

موبايل : 01117791763

للمشاركة في مشروع التكافل الطبي بأشراف الموقع 4 حالات كشف شهري مجانا بخطاب معتمد من إدارة العلاقات الإنسانية بالموقع

%d مدونون معجبون بهذه: