القاهرة 90 … خواطر فتاة حائرة

  • تاريخ النشر :
  • عدد المشاهدات : 133 4 5
القاهرة 90 ... خواطر فتاة حائرة

 

 

كتب : هشام مغازي

 

عندما يكون ضابط الشرطة أديب كيف يرى المجتمع…

 

القاهرة 90 … خواطر فتاة حائرة

 

 

في طفولتي و صباي

أبي علمني الأخلاق و الدين

في طفولتي و صباي

حمرت ديك رومي بالزبيب

و عملت المشمر و المكس جريل

و أنواع كتير كتير من

الخضار و المحشيات

و كمان الحلويات

من البيتيفور حتى التورتات

لكن الآن

مش عارفه بابا ليه مهموم

و باله دايما مشغول

بيقول لماما حمل الديون

و مصاريف الأولاد

و ماما تقوله

جارتنا أم عماد

اشتروا زلموكة جديدة

و أقل فستان سواريه

عندها بألف جنيه

و بارفان من شانيل

بابا بيقولي صافي إيرادنا بيقل

حاعمل إيه يا ست الكل

ماما بتعمله الشاي و تسيبه

بقرأ الجورنال

زمايلي في الجامعة إيه

أوه مستويات مستويات

بس أنا بنت ولا كل البنات

الكل بيجري ورايا

جمالي دا أصله إيه

دايما أطلع رحلات

و أحب كتير الحفلات

في الديسكو آه و آهات

بأجنن في السواريهات

و في أرقي الرسميات

و في أفخم الحفلات

نجحت في البكالوريوس

طنط أم سعاد مرات أونكل وجدي

رئيس مجلس إدارة بنك كبير

تبقي أخت مرات عمي سمير

بتقول جوزها بيقولي

حيشغلني في الحسابات

و أنا بحب الحسابات

وائل بيقولي

انتي جميلة  وأنت صديقة

أنا بابا راجل أعمال

و مستعد أشغلك في الحال

علاقات عامة في أي مكان

صاحب صديقتي سوزان

كلمها كتير و كلمتني كتير

و بصراحة عريس يهوس و يجنن

عنده الشقة المفروشة بفرش الأحلام

سافر في كل الدنيا

بيتكلم ست لغات

عنده زلموكة و جاجور

بيقول أأمري فستان الفرح من باريس

و الشقة حتناديك عايزه العروسة  و العريس

مش عارفه أقول له إيه

عمو زارنا النهارده

بيقولي كبرتي يا سلوى

و أنا حاجزك لابني علاء

حعمله عيادة و حيبقي طبيب

مش عارفه أقوله إيه

خصوصا و إحنا سوا

متربيين في بيت جدنا الكبير

أمامنا شاب وسيم

عيونه تسحر

لما بشوفه قلبي بيدق كتير

نفسي أجري عليه

و أدوب في سحر عينيه

و أترمي بين ايديه

مابيكلمش حد

و بيقولوا جد

و أسطى جدع كسيب

لكن أنا ليه تطلعات

و مش عارفه أعمل إيه

قابلت صديقة عزيزة

كلمتني كلام كتير

عن نور البصيرة والدين

و مزايا لبس الحجاب

و أعيش حياة كريمة

في نور الإيمان

و قالت لي أنا مش في جماعات

بس عايزه طريقي في الحياة يكون له معنى

و الطريق الصحيح للإيمان هو اللي له معنى

كلامها لمس قلبي و حاجه جوا نفسي

حيرانة

مش عارفه كلامها

حقيقي ممكن يتحقق ولا عايشه في أحلام

قابلت صديقة قديمة

كانت لها دايما مغامرات

آخرها كانت إمبارح

شفتها فوق الأهرامات

لقيتها ماشيه

و برضه لابسه حجاب

مش عارفه

أنا ليه أحلامي

عايزه أبقي ست مهمة و ليه علاقات

بكلمة مني أغير سياسات

شفت حاجات من دي كتير في الفيديوهات

نفسي أحب قصة رومانسية من نوع جديد

قلبي لسه أخضر

كله حب كله حب على رأي سميرة سعيد

ما أنا أصلي عرفته من التليفزيون

و رغم إن لي أصحاب كتير

لكن حريصة إن مجربوش دلوقتي بجنون

نفسي يبقالي عربية آخر طراز من ألمانيا

بي إم أيوه هي

و حصان سبق و اشترك في نادي الجزيرة

و شاليه في الغردقة و تاني في شرم الشيخ

و تالت في مطروح

غير شقة المعمورة و كابينه في شاطئ عايدة

وبعدين فيلا في نيس

و شقة في الشانزلزيه في باريس

ليه لا أعرف ناس كتير

عندهم أكثر من الحاجات دي

عايزه يبقي لي شركة كبيرة

لأدوات التجميل و الزينة

و لي أصدقاء كتير عرب

أمراء و أميرات

أصلي شاطرة في العلاقات

مش عارفه أقرأ كتاب

زميلتي آمال اشتغلت في وزارة الثقافة

و عزماني الليلة ع الأوبرا

و مع إني مش فاهمه

لكن بروح من باب التعرف

و حقيقي بأحاول أعرف

و أنا راجعه رحت معاها

كلمتني كلام في العربية

عن ماركس و الشيوعية

ماركس إيه ما خلاص

من أفكار المتفلسفين

قالتلي سارتر قلت

مفيش مانع مذهب إنساني

قالت مذهب إنساني

قلت إنساني إنساني آه ياني

و طول القعدة حكايات

عن فضايح الستات و فضايح الصفقات

و بنت فلان مدمنة و ابن فلان شمام و مين

حيبقي وزير و مش عارفه إيه و إيه وكنا

جنب منطقة مقابر الغفير ليه فيها

صاحبي أمير و صاحبتي صابرين

يا عيني غلبانين

أنا عايزه أسمع الواد محمد فؤاد

و شريط استعراضات للبنت اللي اسمها صابرين

حيوية إيه بنت إيه

تجنن يا اسمك إيه

قالت صاحبتي آمال مالك إيه اللي جرالك

تيجي تاخدي كاس في سونستا

تحبي تروحي و لا هيلتون رمسيس

مفيش مانع ناخد كاس

فوق في الهيلتون بعيد عن الناس

و فكرتني إيه رأيك

نروح بكره نعمل سونه

أنا و انتي و نادية و ناميس

في جمانيزيم هيلتون رمسيس

موافقة دلوقتي على هيلتون

رمسيس و بكرا نفوت على ناميس

بالليل و أنا راجعه تعبانه لقيت ماما لسه

سهرانة قدام التليفزيون

و بابا أخد المصحف جنبه و نام

دخلت على سريري

مر شريط في دماغي

بصيت لقيت الجرايد جنبيه

قلت مبحبش أوجع دماغي بالحاجات ديه

دنا راجعه من سهرة وردية

و جيت أنام لقيت

فراشي ملتهب

فأفكر في حاجات و حاجات

و حسيت إن الليل و النهار أقصر من

أفكاري و رغباتي

مخنوقة و فتحت الشباك

وقفت في الشباك و بعد شويه

سمعت صوت المؤذن بيقول الله أكبر

و شفت ناس ماشيه للجامع

لقيتني بأقول

سبحان الله سبحان الله

بصيت للقمر في السما لقيته منور

و النجوم

لمستني كهربا في روعة

و جمال الكون

افتكرت كلام زميلتي المتحجبة

و لقيتني عايزه أنام

تعليقات الفيسبوك







للإعلان

د. أحمد محمد جنيدي

بكالوريس الطب والجراحة مع مرتبة الشرف

دراسات عليا ماجستير البطن والقلب جامعة الاسكندرية

العيادة : دسوق شارع المركز أمام صيدلية الحكمة

العيادة معدة بأحدث الأجهزة للفحص

تليفون العيادة : 01021841904

تليفون منزل : 0472568774

موبايل : 01117791763

للمشاركة في مشروع التكافل الطبي بأشراف الموقع 4 حالات كشف شهري مجانا بخطاب معتمد من إدارة العلاقات الإنسانية بالموقع

%d مدونون معجبون بهذه: